Sajak Cucu Suhartini
(Sastrawan & Guru)
Dawuh Gusti seja mutih
marak raga di sagara
tutumpuran moal weléh
disorang sareng ditumut
Demi asih anu cipruk
maseuhan landeuh kadeudeuh
keyeng manteng angen-angen
seja nyangking bidadari
Siang wengi kapiraray
kapati-pati salira
upami téa teu nyanding
ilang raga salah mangsa
Sumber:
Nyurup Lambak: Tujuh Puluh Hiji Sajak Sunda (1995)
Wedalan Pamass Unpad, Sumedang
